Balkanabat şäherindäki Saparmyrat Türkmenbaşy adyndaky Nebitçileriň medeniýet köşgünde welaýat ýörite sungat mekdebiniň aýdym-saz we döredijilik toparlarynyň çykyşlary Medeniýet hepdeliginiň baýramçylyk dabaralaryna özboluşly öwüşgin çaýdy. Sungatymyzyň ýaş wekilleri döredijilige, milli sungata bolan höwesini aýdym-sazlaryň, tanslaryň üsti bilen açyp görkezdiler. Belent ruha beslenen aýdym-sazly çykyşlar talyp ýaşlaryň barha kämilleşýändiklerini açyp görkezdi. Sazlaşykly utgaşan dürli žanrdaky eserler, aýdymdyr sazlar tomaşaçylarda ýatdan çykmajak täsirleri galdyrdy.
Jemgyýet
Ähli habarlar
«Türkmennebit» döwlet konserniniň nebiti gaýtadan işleýän zawodlar toplumynyň Türkmenbaşydaky medeni-sport toplumynda geçirilen welaýatymyzyň çagalar döredijilik toparlarynyň «Bagtyýar nesilleriň owazy» atly aýdym-sazly çykyşlary hem-de halypa sungat ussatlarynyň ýaş nesiller bilen döredijilik duşuşygy Medeniýet hepdeliginiň täsirli çäreleriniň biri boldy. Onda zehinli çagalar ýurdumyzda amala aşyrylýan beýik işleri, ata Watanymyzy, bagtyýar çagalygy, täze taryhy eýýamymyzy, sporty wasp edýän aýdymlary aýtdylar, joşgunly tanslary ýerine ýetirdiler. Soňra medeniýet ulgamynda baý tejribe toplan sungat ussatlary bilen sungat älemine aralaşýan ýaş zehinleriň duşuşygy geçirildi. Duşuşykda milli ýörelgelerimiziň, aýdym-saz sungatymyzyň nesilden-nesle geçip, şu günlere gelip ýetmeginde halypa-şägirtlik ýolunyň uly orun eýeleýändigi, bu ýoluň häzirki ajaýyp zamanamyzda üstünlikli dowam etdirilýändigi buýsançly bellenildi. Ýaş zehinleriň halypa sungat ussatlary bilen söhbetdeşlikleri, sorag-jogap alyşmalary çäräniň täsirliligini has-da artdyrdy.
Medeniýet
Ähli habarlar
Balkan welaýatynda birnäçe günläp ýokary ruhubelenlikde dowam eden Medeniýet hepdeliginiň ýapylyş dabarasy Medeniýet we sungat işgärleriniň hem-de Magtymguly Pyragynyň şygryýet gününiň baýramçylyk çäreleri bilen utgaşdy. Bu şanly senä gabatlanyp geçirilýän sungat baýramçylygynyň myhmanlary Balkanabat şäheriniň gözel künjeginde ýerleşýän Magtymguly Pyragynyň nurana ýadygärligine gül goýup, beýik söz ussadynyň döredijiligine belent sarpa hökmünde tagzym etdiler. Dabaralar soňra «Türkmeniň ak öýi» binasynda dowam etdi. Binanyň ajaýyp sahnasynda ýurdumyzyň meşhur sungat ussatlarynyň aýdym-sazly çykyşlary ýaýbaňlandyryldy. Munuň özi Medeniýet hepdeliginiň köpöwüşginli, baý many-mazmunly çäreleriniň özboluşly jemlenmesine öwrüldi. Uly joşgun bilen ýerine ýetirilen aýdym-sazlar, milli tanslar Berkarar döwletiň täze eýýamynyň Galkynyşy döwründe eziz Watanymyzyň gazanýan üstünliklerine, bedew batly okgunly ösüşine, bagtyýar durmuşymyza buýsanjyň beýany bolup ýaňlandy. Dabarada Medeniýet hepdeligine gatnaşyjylar hormatly Prezidentimiziň adyna Ýüzlenme kabul etdiler.
Fotoreportaž
Ähli habarlar
Tehnologiýa
Ähli habarlar
Welaýat kitaphanasynda Türkmenistanyň Magtymguly adyndaky Ýaşlar guramasynyň Balkanabat şäher geňeşiniň hem-de TMÝG-niň «Türkmennebit» döwlet konserniniň şahamçasynyň guramagynda talyp ýaşlaryň arasynda sanly tehnologiýa ulgamyndan we innowasion serişdelerden peýdalanmagyň medeniýetini düşündirmek maksady bilen, «Sanly bilim ulgamy-jemgyýeti öňe alyp gitmegiň esasy guraly» atly şygar astynda wagyz-nesihat çäresi geçirildi. Çärede Berkarar döwletiň täze eýýamynyň Galkynyşy döwründe ýurdumyzda bilim ulgamynyň täze ösüşlere eýe bolýandygy, ulgamyň işini döwrebap derejede guramak, oňa innowasion tehnologiýalary ornaşdyrmak, ýaşlara berilýän bilimiň hilini ýokarlandyrmak, bu babatda, milli aýratynlyklary göz öňünde tutmak bilen, dünýä tejribesinden ugur almak, sanly bilim ulgamyna geçmek boýunça alnyp barylýan giň möçberli işler barada giňişleýin gürrüň edildi.
Ykdysadyýet
Ähli habarlar
«Türkmennebit» döwlet konserniniň «Nebitgazburawlaýyş» trestiniň Balkanabatdaky suw üpjünçilik müdirligi Ýasga kölüniň töwereklerinde 50-ä golaý topbak guýudan we Hazar deňzinden kuwwatly sorujylar arkaly alynýan suwuň möçberini durnukly artdyrýar. Müdirlik boýunça şu ýylyň başyndan bäri 1 million 292 müň kub metrden gowrak agyz suwy we tehniki önümçilik suwy çykaryldy. Şeýlelikde, önümçiligiň ösüş depgini 102 göterim ýokarlandy. Munuň özi geçen ýylyň degişli döwri bilen deňeşdireniňde, 16 müň 350 kub metr suwuň sarp edijilere artyk ugradylandygyna şaýatlyk edýär.
