Awazadaky sapaly günler

«Awaza» milli syýahatçylyk zolagynda ýerleşýän «Daýanç» sagaldyş merkezinde çagalaryň tomusky dynç alyş möwsümi ýatdan çykmajak pursatlara beslenýär. Merkezde dynç alýan çagalar bu ýerde kitap okamak, sanly ulgamyň mümkinçiliklerinden peýdalanmak, surat çekmek, suwda ýüzmek, aýdym aýtmak, saz çalmak, sport bilen meşgullanmak bilen, wagtlaryny gyzykly geçirýärler. Ýakynda Türkmenistanyň Kärdeşler arkalaşyklarynyň Türkmenbaşy etrap birleşmesiniň guramagynda «Daýanç» sagaldyş merkezinde dynç alýan çagalaryň arasynda «Awaza — bagtly çagalaryň mekany»  atly sport ýaryşlary geçirildi. Gyzykly geçen ýaryşlarda ýeňiji bolan çagalara sowgatlar gowşuryldy.