Balkan welaýatynyň açyk birinjiligi
Balkan welaýat bedenterbiýe we sport baradaky Baş müdirliginiň Balkanabat şäheriniň Gumdag şäherçesindäki 7-nji sport mekdebinde agyr atletikacy boýunça ýetginjekleriň we ýaşlaryň arasynda Balkan welaýatynyň açyk birinjiligi geçirildi. Diýarymyzyň dürli sebitlerinden türgenleriň gatnaşmagynda geçen ýaryş iki günläp dowam etdi. Netijede, gyzlaryň arasynda Mesuda Nurmämmedowa, Aknabat Jumaýewa, Ogulşat Hudaýberdiýewa, Dinara Nurgeldiýewa, Medine Akmuhammedowa, Enegül Baýrammyradowa, Orazgül Babaniýazowa, Züleýha Ýusupbaýewa, Gülnabat Nazgurbanowa, Aýsenem Nyýazmämmedowa dagy degişli agram derejelerinde birinji orunlary eýelediler. Oglanlaryň arasynda bolsa Kakajan Nurmämmedow, Raşit Orazhajyýew, Gahryman Elýasgulyýew, Yhlas Garaklyýew, Rahym Ilamanow, Güýzgeldi Nurmämmedow, Ysmaýyl Hajymuhammedow, Ybraýym Kürenow, Elman Hekimow dagy degişli agram derejelerinde ähli garşydaşlaryny yzda galdyrdylar. Ýeňijilere Balkan welaýat bedenterbiýe we sport baradaky Baş müdirliginiň Hormat hatlary, Türkmenistanyň Kärdeşler Arkalaşyklarynyň Balkan welaýat birleşmesiniň sowgatlary gowşuryldy.
