“Balkanyň” çempionlygy bilen jemlenen ýaryş
2009-2010-njy ýyllarda doglan ýetginjekleriň arasynda futbol boýunça geçirilen Balkan welaýatynyň birinjiligi Balkan welaýat bedenterbiýe we sport baradaky Baş müdirliginiň Balkanabat şäherindäki 2-nji sport mekdebiniň “Balkan” toparynyň çempion bolmagy bilen jemlendi. Aýlaw görnüşinde geçen ýaryşda ikinji orny welaýat Polisiýa müdirliginiň garamagyndaky “Köpetdag” topary eýelemegi başardy. Balkanabat şäheriniň Gumdag şäherçesiniň sport mekdepleriniň türgenlerinden düzülen “Gumdag” topary üçünji orna mynasyp boldy.
“Türkmennebit” döwlet konserniniň Balkanabat nebitçilik orta hünär okuw mekdebiniň futbol meýdançasynda geçen ýaryşy Balkan welaýat bedenterbiýe we sport baradaky Baş müdirligi bilen Balkan welaýat futbol federasiýasy bilelikde guradylar.
