Bitaraplyk baýramçylygnyň bosagasynda

Birleşen Milletler Guramasy tarapyndan resmi taýdan Bitarap döwlet hökmünde ykrar edilen ilkinji we ýeke-täk döwlet - ata Watanymyz Türkmenistanyň esasy baýramlarynyň biri - Bitaraplyk baýramynyň şanly 26 ýyllyk toýunyň öňüsyrasynda dur. Türkmeniň ykbalyna, milletiň taryhyna we Türkmenistanyň halkara abraýyna şöhrat goşan bu waka ýürekleri buýsançdan doldurýar. Çünki, Bitaraplyk-halkymyzyň asyrlar boýy toplan durmuş paýhasynyň, ynsanperwerliginiň halkara derejesinde rowaçlanmasydyr.

Ýurdumyzyň ähli ýerlerinde boluşy ýaly Şanly baýramçylyk mynasybetli Balkan welaýatynyň Balkanabat şäherinde birnäçe çäreleriň geçirilmegine garaşylýar. Esasy çäreler Baş Baýdak meýdançasynda we “Türkmeniň Ak Öýi” binasynyň öňlerinde we welaýat häkimliginiň mejlisler zalynda geçiriler.