Buýsanja beslenen maslahat

BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäklerinde geçirilen zenan ýolbaşçylaryň duşuşygy mynasybetli Balkan welaýat häkimligi bilen Türkmenistanyň Zenanlar birleşiginiň Balkan welaýat bölümi bilelikde dabaraly maslahat geçirdiler. Welaýat häkimliginiň mejlisler jaýynda geçirilen maslahatda giň gerim berlen buýsançly çykyşlarda  ýurdumyzyň gender deňligi babatynda gazanan nusgalyk üstünlikleri dogrusynda durlup geçildi. Zenanlaryň döwleti dolandyrmak işlerine deň hukukly gatnaşmagynyň hukuk kepillikleriniň üpjün edilýändigi nygtaldy. «Zenanlar ýurduň jemgyýetçilik-syýasy, durmuş-ykdysady, medeni durmuşyna işjeň gatnaşýarlar. Awaza forumynyň çäklerinde zenan ýolbaşçylaryň duşuşygynyň geçirilmeginiň özem ýurdumyzda zenanlara goýulýan belent hormatyň, olara bildirilýän uly ynamyň nyşanydyr» diýlip, dabaraly maslahatda buýsanç bilen bellenilip geçildi. Şeýle buýsançly çykyşlaryň dowamy sungat ussatlarynyň joşgunly aýdym-sazlaryna ulaşdy. Belent hörplerde ýerine ýetirilip, milli tanslar bilen bezelen şirin aýdym-sazlarda baky Bitaraplygymyzyň, Halkara parahatçylyk we ynanyşmak ýylynyň, ýurdumyzda amala aşyrylýan beýik tutumlaryň, zenanlaryň bagtyýarlygynyň waspy ýetirildi.