Çagalaryň bagtyýarlygy - döwrümiziň gözelligi

Türkmenistanyň Demokratik partiýasynyň Esenguly etrap komitetiniň beýleki jemgyýetçilik guramalary bilen bilelikde guramagynda Çagalary goramagyň halkara güni mynasybetli etrap merkezindäki “Arkadagyň nesilleri” atly çagalar dynç alyş merkezinde “Täze eýýamyň bagtyýar çagalary” ady bilen körpeleriň gatnaşmagynda aýdym-sazly dabaraly çäre, bäsleşikler geçirildi. Ýurdumyzda ýaş nesilleriň bagtyýar durmuşynyň üpjün edilmegi, olaryň saglyklaryny berkitmekleri ugrunda ähli şertleriň döredilýändiginiň aýdyň subutnamasy bolup durýan dynç alyş merkezi şol gün hakyky baýramçylyk keşbine beslendi. Bagtyýar çagalar merkeziň çägine gezelenç etdiler, bu ýerdäki oýun attraksionlarynda wagtlaryny gyzykly we şadyýan geçirdiler.

Dabaraly çäräniň dowamynda geçirilen bäsleşiklere gatnaşan çagalaryň ählisine  sowgatlar gowşuryldy.