“Dürdänedäki” gyzykly ýaryşlar

Balkan welaýatynyň Gyzylarbat etrabyndaky «Dürdäne» çagalar sagaldyş we dynç alyş merkezinde şu günler gyzykly we şatlykly günler dowam edýär. Bu merkezinde etrap bilim bölüminiň, Türkmenistanyň Demokratik partiýasynyň etrap komitetiniň, Türkmenistanyň Magtymguly adyndaky Ýaşlar guramasynyň etrap geňeşiniň, Türkmenistanyň Kärdeşler arkalaşyklarynyň etrap birleşmesiniň we Türkmenistanyň Gyzyl Ýarymaý Milli jemgyýetiniň Balkan welaýat bölüminiň Gyzylarbat we Bereket etrap şahamçalarynyň bilelikde guramaklarynda birnäçe köpçülikleýin medeni we sport çäreleri, ýaryşlar we bäsleşikler geçirildi. Sportuň futbol, woleýbol, ýeňil atletika, küşt, şaşka, suwda ýüzmek, tanap çekmek görnüşlerinden geçirilen ýaryşlar has-da gyzykly boldy.