Dzýudo boýunça açyk birinjilik
Balkan welaýatynyň bedenterbiýe we sport baradaky Baş müdirliginiň 1-nji sport mekdebiniň guramagynda dzýudo göreşi boýunça 2012-2013, 2014-2015, 2016-2017-nji ýyllarda doglan oglanlaryň we gyzlaryň arasynda sport mekdebiniň açyk birinjiligi geçirildi. Ýaryşda 2012-2013-nji ýyllarda doglan oglanlaryň arasynda Ysmaýyl Kakabaýew, Orazberdi Agarow, Röwşen Kerimow, Nurmuhammet Amanow, Atlymyrat Baýryýew, Raşid Aliýew, Güýçgeldi Aşyrow, Agöýli Ylýasow, Adnan Guliýew dagy degişli agram derejelerinde ýeňiji bolmagy başardylar. 2014-2015-nji ýyllarda doglan oglanlaryň arasynda bolsa Eldar Halnazarow, Jeýhun Alihanow, Muhammetberdi Çaýtyýew, Mämmetnepes Baýramow, Osman Orazow, Baýramgeldi Orazmämmedow, Pawel Malkow degişli agram derejelerinde ähli garşdydaşlaryndan üstün çykmaklygyň hötdesinden geldiler. 2016-2017-nji ýyllarda doglan oglanlaryň arasynda degişli agram derejelerinde Guwanç Jumaýewe, Nowruz Ataýewe, Omar Nikbatçayewe, Hanmuhammet Jepbarowa, Yhlas Orazgeldiýewe, Ahmet Musaýewe, Harum Otazanowa taý tapylmady. 2012-2013-nji ýyllarda doglan gyzlaryň arasynda Gülperi Artykowa, Merýem Taganowa dagy degişli agram derejlerinde ýeňiji bolmagy başardylar. Ýaryşda öňdäki orunlara mynasyp bolan türgenlere Balkan welaýatynyň bedenterbiýe we sport baradaky Baş müdirliginiň 1-nji sport mekdebiniň Hormat hatlary, degişli medallar, Türkmenistanyň Kärdeşler arkalaşyklarynyň Balkan welaýat birleşmesiniň ýadygärlik sowgatlary gowşuryldy.
