Eýjejik hem zehinli gyzjagazlar

Balkanabat şäherindäki daşary ýurt dillerine ýöriteleşdirilen 3-nji orta mekdepde Türkmenistanyň Magtymguly adyndaky Ýaşlar guramasynyň Balkanabat şäheri geňeşiniň, Balkan welaýat Baş bilim müdirliginiň bilelikde guramaklarynda «Iň eýjejik gyzjagaz — 2026» atly şadyýan bäsleşigiň şäher tapgyry geçirildi. Gyzjagazlar bäsleşigiň şertlerine laýyklykda, eziz Watanymyzy, bagtyýar çagalygy, dost-doganlygy, parahatçylygy we sagdyn durmuş ýörelgesini wasp edýän aýdym-sazlary ýerine ýetirmekde ukyp-başarnyklaryny görkezdiler. Milli  lybaslary geýnip, ene-mamalarymyzdan miras galan bu gymmatlyklaryň many-mazmunyny we nepisligini çeper sözler bilen beýan etdiler. El işlerini ýerine ýetirmekde, alaja örmekde biri-birinden kem durmazlyga çalyşdylar. Netijede, Balkanabat şäherindäki 12-nji orta mekdebiň 2-nji synp okuwçysy Altynaý Amangeldiýewa birinji, 16-njy orta mekdebiň 4-nji synp okuwçysy Mähriban Soltangulyýewa ikinji orunlara mynasyp boldular. Ýeňijilere Hormat hatlary we sowgatlar gowşuryldy. Olar bäsleşigiň Balkan welaýat tapgyryna gatnaşmaga hukuk gazandylar.