Kiçi futbol ýaryşy

«Awaza» milli syýahatçylyk zolagyndaky «Balkan» çagalar sagaldyş we dynç alyş merkezinde dynç alýan çagalaryň arasynda «Bagtyýar çagalyk» ady bilen kiçi futbol ýaryşy geçirildi. Onda «Güneş» we «Tolkun» atly toparlaryň düzüminde çykyş eden ýaş türgenler sportuň bu görnüşi boýunça ukyp-başarnyklaryny görkezdiler.

Gyzykly we şowhunly geçen ýaryşa gatnaşan çagalara Türkmenistanyň Magtymguly adyndaky Ýaşlar guramasynyň Türkmenbaşy şäher geňeşi tarapyndan ýadygärlik sowgatlar gowşuryldy.