Magtymguly, sözlär tili türkmeniň

Magtymguly Pyragynyň doglan gününiň 300 ýyllygy mynasybetli Türkmenistanyň Bilim ministrliginiň we Magtymguly adyndaky Türkmen döwlet uniwersitetiniň ýurdumyzyň umumybilim berýän orta mekdepleriniň 10 — 11-nji synp okuwçylarynyň arasynda yglan eden «Magtymguly, sözlär tili türkmeniň» atly döredijilik bäsleşiginiň welaýat tapgyry welaýat Baş bilim müdirliginiň guramagynda Balkanabat şäherindäki 3-nji orta mekdepde geçirildi.

Akyldar şahyrymyzyň watansöýüjilik, adalatlylyk, ynsan mertebesini belent saklamak, il-güne, ene-ata, ula-kiçä hormat-sarpaly bolmak hakyndaky öwüt-ündewli şygyrlarynyň Berkarar döwletiň täze eýýamynyň Galkynyşy döwründe örän uly ähmiýete eýedigini bäsleşikde çykyş eden okuwçylar öz düzen goşgularynyň üsti bilen beýan etdiler. Şeýle-de olar beýik Pyragynyň watançylyk, terbiýeçilik ähmiýetli goşgularyndan birini ýatdan aýtdylar.

Netijede, Magtymguly etrabyndaky 3-nji orta mekdebiň okuwçysy Dünýä Meretgeldiýewa bäsleşigiň baş baýragyna, Balkanabat şäherindäki 23-nji orta mekdebiň okuwçysy Gülbibi Şyhberdiýewa birinji, welaýat merkezindäki 2-nji orta mekdebiň okuwçysy Yhlas Gurbanow ikinji orunlara mynasyp boldular we bäsleşigiň döwlet tapgyryna gatnaşmaga hukuk gazandylar.