Merdana nesilleriň bäsleşigi

Balkanabat şäherindäki daşary ýurt dillerine ýöriteleşdirilen 3-nji orta mekdepde Türkmenistanyň Magtymguly adyndaky Ýaşlar guramasynyň Merkezi geňeşi we Türkmenistanyň Bilim ministrligi tarapyndan yglan edilen «Merdana nesil — 2025» atly bäsleşigiň şäher tapgyry geçirildi. TMÝG-niň şäher geňeşi we welaýat Baş bilim müdirligi tarapyndan guralan bäsleşige şäherdäki orta mekdeplerden körpeler gatnaşdylar. Bäsleşigiň şertlerine laýyklykda oňa gatnaşan oglanlar halkymyzyň merdanalygyny, Watana bolan söýgüsini, pederlerimiziň synmaz ruhuna belent sarpasyny, ýurdumyzda ýetilen sepgitleri, gazanylan üstünlikleri çeper sözlerde beýan etdiler. Netijede, 12-nji orta mekdebiň 3-nji synp okuwçysy Ybraýym Amangeldiýew birinji, 1-nji orta mekdebiň 5-nji synp okuwçysy Kerem Pirmuhammedow ikinji orunlara mynasyp bolup, bäsleşigiň welaýat tapgyryna gatnaşmaga hukuk gazandylar.