Merdanalygyň nusgasy siz, zenanlar!

2022-nji ýylyň 4-nji martynda Türkmenistanyň Goranmak ministrliginiň Harby-deňiz institutynyň Medeniýet öýünde Türkmenbaşy etrabynyň çäginde ýerleşýän harby bölümlerde zähmet çekýän zenanlaryň arasynda Halkara zenanlar güni mynasybetli “Merdanalygyň nusgasy siz, zenanlar!” ady bilen döredijilik bäsleşigi geçirildi. Bäsleşigiň düzgünnamasyna laýyklykda zenanlar özüňi tanyşdyrmak, hüwdi aýtmak, edebi-çeper kompozisiýa bilen çykyş etmek, jorap örmek we unaş kesmek ýaly ugurlar boýunça öz ukyp-başarnyklaryny görkezdiler. Baýramçylyk mynasybetli geçen döredijilik bäsleşiginiň jemleri boýunça emin-agzalar toparynyň kesgitlemegi esasynda Oguljeren Atabaýewa 1-nji orna mynasyp bolup, bäsleşigiň Aşgabat şäherinde geçiriljek jemleýji tapgyryna gatnaşmaga hukuk gazandy. Bäsleşikde tapawutlanan we onda baýrakly orunlara mynasyp bolan zenanlara jemgyýetçilik guramalary tarapyndan hormat hatlary we ýadygärlik sowgatlary dabaraly ýagdaýda gowşuryldy.