Nebitiň işlenilişi artýar

Türkmenbaşydaky nebiti gaýtadan işleýän zawodlar toplumynda uglewodorod çig malyny senagat taýdan gaýtadan işlemekde hem-de dünýä hil ülňülerine laýyk gelýän önümleri öndürmekde netijeli işler durmuşa geçirilýär. Munuň şeýledigini nebit önümlerini öndürmekde gazanylan üstünliklerden hem aýdyň görmek bolýar. Zawodlar toplumynda üstümizdäki ýylyň başyndan bäri ýangyç kerosininiň jemi 220 müň 849 tonnasynyň öndürilip, ösüş depgininiň 102 göterim ýokarlanmagy munuň anyk subutnamalarynyň biridir. Öndürilen dizel ýangyjynyň möçberi bolsa 726 müň 376 tonna ýetip, 107 göterim zähmet üstünligi üpjün edildi.

Nebit önümlerini öndürmekde gazanylýan zähmet görkezijileri zawodlar toplumynda öndürilýän önümlere sarp edijileriň arasynda islegiň durnukly artýandygyny tassyklaýar.