Netijeli tamamlanan hüjümler

Aşgabatda dowam edýän hokkeý boýunça halkara ýaryşyň dördünji gününde Eýran Yslam Respublikasynyň “Ice Box Iran Mall” topary Oman Soltanlygynyň “Oman Nationals” toparyny 6:0 hasabynda ýeňip, ýaryşdaky ikinji ýeňşini gazandy.

Belarus Respublikasynyň “Volat” we Russiýa Federasiýasynyň Tatarystan Respublikasynyň “ADIHIS-Kazan” toparlarynyň arasyndaky oýun russiýalylaryň 6:4 hasabyndaky ýeňşi bilen jemleni. Gyrgyzystanyň “Dordoi” bolsa şol gün Türkiýe Respublikasynyň “Team Turkiye” toparyny 4:2 hasabynda ýeňdi.