Okuwçylaryň woleýbol bäsleşigi

Türkmenistanyň Magtymguly adyndaky Ýaşlar guramasynyň Magtymguly etrap geňeşi Magtymguly etrabynyň bedenterbiýe we sport bölüminiň sport mekdebi bilen bilelikde etrabyň orta mekdeplerinde okaýan ýokary synp okuwçy oglanlaryň arasynda sportuň woleýbol görnüşi boýunça ýaryş geçirdi.

Gyzykly geçen bäsleşikde etrabyň 19-njy orta mekdebiniň topary birinji orna mynasyp bolmagy başardy. 13-nji orta mekdebiň woleýbolçylary ikinji, 3-nji orta mekdebiň okuwçylary üçünji orunlara eýe bolmagyň hötdesinden geldiler.

Ýaryşda öňdäki orunlary eýelän toparlara etrabyň jemgyýetçilik guramalary tarapyndan ýadygärlik sowgatlar we Hormat hatlary dabaraly ýagdaýda gowşuryldy.