Saçaklarymyzyň rysgal-berekedi

Ýylyň ähli paslynda oba hojalyk önümleriniň bolçulygyny gazanmakda Balkan welaýatynyň telekeçileriniň gurup, işe girizen ýyladyşhanalarynda şu günler döwrebap işler amala aşyrylýar. Kämil enjamlar bilen üpjün edilen ýyladyşhanalarda ähli işler döwrebap tehnologiýalara, işläp taýýarlamalara hem-de kämil kompýuterlere daýanýar. Munuň özi ýyladyşhanalaryň ýylylyk, çyglylyk, suwaryş ulgamlarynyň işlerini talaba laýyk ýola goýmakda möhüm ähmiýete eýedir. Öz işlerini döwrebap gurnamagy başarýan hususy ýyladyşhanalaryň eýeleri şu günler sarp edijilere pomidor, hyýar, bolgar burçy ýaly önümleri yzygiderli ugradýarlar. Ol önümler terligi bilen Balkan welaýatynyň etrap-şäherleriniň hem-de eziz Watanymyzyň paýtagty Aşgabat şäheriniň sarp edijilerine ýetirilýär.