“Sagdyn bedende, sagdyn ruh”

Ýurdumyzda bedenterbiýäni we sporty wagyz etmek, jemgyýetde sagdyn durmuş ýörelgelerini işjeň ornaşdyrmak, ösüp gelýän ýaş nesli sport bilen meşgullanmaga giňden çekmek şeýle-de Türkmenistanyň halkara sport abaraýyny has-da belende götermek maksady bilen ýurdumyzda dünýä ölçeglerine laýyk, iň döwrebap sport desgalar toplumy gurlup, halkara derejesinde sport guramalary bilen bilelikde birnäçe halkara sport ýaryşlary geçirilýär. Muňa mysal edip, “Amul-Hazar 2018”- halkara awtorallisi, agyr atletika we kuraş boýunça dünýä çempionaty şeýle-de beýleki sebitleýin halkara ýaryşlaryny görkezmek bolýar.

Bu günler hem ýurdumyzda, dünýä ölçeglerine laýyklykda gurlan, sebitimiziň iň döwrebap sport desgalar toplumy bolan Aşgabat şäherindäki Olimpiýa şäherçesindäki Gyşky oýunlar sport toplumynda aprel aýynyň 15-20 aralygynda sportuň hokkeý görnüşi boýunça halkara ýaryşy geçirilýär. Bu ýaryşa 10 döwletden 10 topar gatnaşýar. Biziň ýurdumyzdan wekilçilik etýän “Galkan” topary ýurdumyzyň sekiz gezek çempionydyr. Hokkeý ýaryşy halkara teleýaýlymlary bolan “Mir-24”, “TRT-avaz”, “ССTV” teleýaýlymlarynda görkeziler.