Şanly senäniň şanyna

Balkan welaýat häkimliginiň, Türkmenistanyň Zenanlar birleşiginiň Balkan welaýat bölüminiň, Türkmenistanyň Kärdeşler arkalaşyklarynyň Balkan welaýat birleşmesiniň, Balkan welaýat saglygy goraýyş müdirliginiň hem-de Saglygy goraýyş işgärleriniň kärdeşler arkalaşyklarynyň Balkanabat şäher geňeşiniň bilelikde guramaklarynda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň döredilmeginiň dört ýyllygy mynasybetli Balkan welaýat saglygy dikeldiş okuw-terbiýeçilik toplumynda dabaraly maslahat geçirildi. Onda ýurdumyzda ylymly-bilimli, giň dünýägaraýyşly, sagdyn ýaş nesilleri ýetişdirmek, howandarlyga mätäç çagalaryň saglygynyň dikeldilmegine ýardam bermek, olaryň bagtyýar durmuşda ýaşamagy ugrunda edilýän aladalar dogrusyndaky çykyşlara giň orun berildi. Çagalara baýramçylyk sowgatlarynyň gowşurylmagy dabaranyň täsirli pursatlaryna öwrüldi. Soňra Balkan welaýat saglygy dikeldiş okuw-terbiýeçilik toplumynda terbiýelenýän çagalaryň taýýarlan aýdym-sazly çykyşlaryna tomaşa edildi.