Selin

Garagum sährasynda bitýän ösümlikler diňe bir ekologiýa taýdan däl, eýsem, dermanlyk hökmünde hem uly ähmiýete eýedirler. Selin hem şeýle ösümlikleriň biri bolup, onuň boýy 1-1,5 metr aralygynda bolýar. Däneliler maşgalasyna degişli bolan bu köpýyllyk ösümlik diňe bir Garagum sährasynda däl-de, beýleki çöl ýerlerde hem ösýär. Selin halk lukmançylygynda hem giňden peýdalanylypdyr. Rowaýatda aýdylyşyna görä, ir döwürde Garagum sährasynda bir ýaş ýigit agyr derde duçar bolupdyr. Lukmanlar näçe jan etseler-de, onuň derdine derman tapyp bilmändirler. Şonda ýaş ýigidiň ejesi çölden dürli ösümlikleri ýygnap, melhemlik çaýlary taýýarlapdyr. Şol çaýlaryň içinde selin hem bolupdyr. Oglan bu çaýlardan içip, sagalyp, aýak üstüne galypdyr. Şondan soňra selin halk arasynda «Ýürekden gelen şypa» ady bilen tanalyp ugrapdyr.