Uzyn saçly gyzlaryň bäsleşigi

Ýagşygeldi Kakaýew adyndaky Halkara nebit we gaz uniwersitetiniň Balkanabat bölüminiň Türkmenistanyň Kärdeşler arkalaşyklarynyň Balkan welaýat birleşmesi bilen bilelikde geçiren bäsleşigi «Saçy uzynyň — ýüregi ýuka» diýlip atlandyryldy. Bäsleşigiň şertlerine laýyklykda, uzyn saçly gyzlar döwrümiziň bagtyýarlygyny we uzyn saçlaryny çeper sözlerde wasp etdiler. Saçlaryny darap, oňa ideg edişlerini gürrüň berdiler. Ýurdumyzda alnyp barylýan beýik işleri, ýaşlara okamaga, hünär saýlamaga döredilýän mümkinçilikleri aýdymlaryň, goşgularyň we gazallaryň üsti bilen beýan etdiler. Netijede, ýokary okuw mekdebiniň nebiti we gazy gaýtadan işlemegiň himiki tehnologiýasy hünäriniň 1-nji ýyl talyby Taganbibi Atanepesowa baş baýraga, nebitgaz geçirijilerini we nebitgazyň saklanýan ýerlerini taslamak, gurmak we ulanmak hünäriniň 1-nji ýyl talyby Leýli Begenjowa birinji, nebitgaz känlerini özleşdirmek we ulanmak hünäriniň 5-nji ýyl talyby Meňli Hojagulyýewa ikinji, nebiti we gazy gaýtadan işlemegiň himiki tehnologiýasy hünäriniň 1-nji ýyl talyby Zeýnep Gurbannyýazowa üçünji orunlara mynasyp boldular.