Ýabany üzüm

Ýurdumyzda ýabany üzümiň iki görnüşi duş gelýär. Bu ösümligiň uzynlygy 15-20 metre ýetýär. Ýapraklary köplenç tüýlüje, käte ýalaňaç bolýar. Ol aprel-maý aýlarynda gülleýär, awgust-sentýabrda miweleýär. Jülgeleriň içinde, akabalaryň kenarynda we çeşmeleriň golaýynda derelerden akýan suwlaryň ugrunda duş gelýär. Iýmişi şireli, dürli reňkli, üsti örtükli, tohumy armyt şekilli bolýar. Miwesi terligine iýilýär we gaýtadan işlenýär. Ondan bal, mürepbe, şireli suwlar taýýarlanylýar.