Ýaşlaryň ýürek buýsanjy

 Welaýat kitaphanasynda 2025-nji ýylyň «Halkara parahatçylyk we ynanyşmak ýyly» diýlip atlandyrylmagy hem-de hormatly Prezidentimiziň «Magtymguly — dünýäniň akyldary» atly täze kitabynyň çapdan çykmagy mynasybetli Türkmenistanyň Magtymguly adyndaky Ýaşlar guramasynyň Balkanabat şäher geňeşiniň hem-de TMÝG-niň «Türkmennebit» döwlet konserniniň şahamçasynyň bilelikde guramagynda söhbetdeşlik geçirildi. Onda üstümizdäki ýylda parahatçylyga, dost-doganlyga gönükdirilen daşary syýasatyň älem içre dabaralanjakdygy, täze eseriň halkymyzyň şatlygyny artdyrandygy, baý many-mazmuna eýe bolan kitapda Magtymguly Pyragynyň edebi mirasy, şahyryň doglan gününiň 300 ýyllygy bilen bagly geçirilen çäreler hakynda söhbet edilýändigini buýsanç bilen bellenildi.