Ýelden ýyndam bedewleriň bäsleşigi

Geçen ýekşenbe güni Balkan atçylyk sport toplumynda ýazky at çapyşyk möwsüminiň nobatdaky tapgyry geçirildi. Birinji çapyşyk üçýaşar atlaryň arasynda bolup, onda bedewler 1200 metr aralyga güýç synanyşdylar. Bu çapyşykda A.Mämmetnurowyň Akýyldyrym diýen dor atyna taý tapylmady. Şol aralyga üçýaşar bedewleriň arasynda geçirilen ikinji çapyşykda T.Tülegenowyň hojalygyna degişli Şahymerdan atly gara at birinji bolup pellehana gelmegi başardy.Üçünji çapyşyk 1800 metr aralyga dört we ulyýaşar atlaryň arasynda geçirilip, onda R.Akmämmedowyň Dagarman atly gara aty öňdeligi eýeledi. 1800 metr aralyga dört we ulyýaşar atlaryň arasynda geçirilen dördünji çapyşykda P.Ýegşemowyň Gyrgözel atly gyr aty ähli bedewlerden öňe saýlandy. Dört we ulyýaşar atlaryň gatnaşmaklarynda 1800 metr aralyga geçirilen jemleýji bäşinji çapyşykda A.Mämmetnurowyň Gözguwanjym diýen al aty öňdeligi hiç kime bermedi.