Ýokary isleglere eýe bolýan önümler

Türkmenistanyň Senagatçylar we telekeçiler birleşmesiniň agzasy «Altyn nur zamany» hususy kärhanasynyň miwe önümlerini gaplaýjy bölüminde dürli görnüşli mürepbeler, miwe şireleri we goýaltmalary taýýarlanylýar. Balkanabat şäherinde ýerleşýän kärhanada sarp edijileriň islegleri içgin öwrenilip, gök, miwe we bakja önümlerini aýna gaplarda konserwirlenen görnüşde taýýarlamak üstünlikli ýola goýlupdyr. Kärhana pomidor goýaltmasy, leço, gaplanan pomidordyr bolgar burçy, hyýar, dürli görnüşli mürepbeler, miwe şireleri ýaly gaplanan önümleriň 30-a golaý görnüşini halka hödürleýär. Elbetde, olaryň ýokary isleglere eýedigini aýratyn bellemek gerek.