Ýokary ruhubelentlige beslendi

TDP-niň Balkanabat şäher komitetiniň işgärleriniň, ilkinji partiýa guramalarynyň ýolbaşçylarynyň we partiýanyň işjeň agzalarynyň gatnaşmagynda «Türkmennebit» döwlet konserniniň Balkanabat nebitçilik orta hünär okuw mekdebinde geçirilen TDP-niň Balkanabat şäher komitetiniň X hasabat-saýlaw konferensiýasy ýokary ruhubelentlige beslendi. Konferensiýada hormatly Prezidentimiziň parasatly içeri we daşary syýasatyny halk köpçüliginiň arasynda wagyz etmek, partiýa agzalarynyň ýurdumyzda bellenilýän baýramçylyklara we şanly senelere işjeň gatnaşmaklaryny gazanmak boýunça alnyp barylýan işler dogrusyndaky çykyşlar, hasabatlar diňlenildi, guramaçylyk meselelerine seredildi. Umuman, işjeň ýagdaýda geçen hasabat-saýlaw konferensiýasynda edilen işlere seljerme berlip, öňde durýan anyk wezipeler kesgitlenildi.