Ýylyň ady — berkararlyk binýady

 Balkan welaýat häkimliginiň, Türkmenistanyň Zenanlar birleşiginiň hem-de Türkmenistanyň Parahatçylyk gaznasynyň Balkan welaýat bölümleriniň Halkara parahatçylyk we ynanyşmak ýyly mynasybetli «Awaza» milli syýahatçylyk zolagynda geçiren aýdym-sazly dabaralary «Ýylyň ady — berkararlyk binýady» diýlip atlandyryldy. Syýahatçylyk zolagyndaky Baş baýdak meýdançasynda hem-de «Awazanyň ýalkymy» binasynda geçirilen dabaralarda medeniýet we sungat ussatlary, talyp ýaşlar, halk we tans döredijilik toparlary çykyş etdirler. Olaryň ýerine ýetiren aýdym-sazlarynda, tanslarynda Garaşsyz, hemişelik Bitarap Watanymyzyň gazanýan beýik üstünlikleri, belent ösüşleri, baky Bitaraplygymyzyň 30 ýyllyk şanly senesiniň dabaraly belleniljek Halkara parahatçylyk we ynanyşmak ýyly wasp edildi.