https://balkantm.news Balkan welaýaty boýunça iň täze syýasy we ykdysady habarlar 2026-08-11 02:09:50 https://balkantm.news/tm/news/ylgawcy-gus Fri, 24 Jul 2026 11:39:29 +0500 https://balkantm.news/tm/news/ylgawcy-gus Bu guşuň ululygy 19 — 22 santimetr. Ýeleginiň köp bölegi sarymtyl-çägesöw, kellesiniň depesi gara, gözleri we kellesiniň daşyndan ak reňkli inçe gara zolak geçýär. Garny ak, ganatlarynyň uçlary gara, aýaklary gögümtil çal. Horazy bilen mäkiýanynyň reňkleri birmeňzeş. Ol çalt ylgaýar, göwresini dim-dik saklaýar. Ses berijilik ukyby — ýuwaşlyk bilen sygyrýar. Bu guş Demirgazyk Afrikada, Ýakyn Gündogarda, Eýranda, Owganystanda, Türkmenistanda höwürtgeleýär. Saharanyň günortasyndaky sawanna böleginde, Kanar adalarynda we Arabystan ýarym adasynda gyşlaýar. https://balkantm.news/tm/news/balkan-sagaldys-we-dync-alys-merkezinde Fri, 24 Jul 2026 11:37:30 +0500 https://balkantm.news/tm/news/balkan-sagaldys-we-dync-alys-merkezinde Balkan welaýat häkimliginiň «Awaza» milli syýahatçylyk zolagyndaky «Balkan» dynç alyş we sagaldyş merkezinde şu günler uly adamlar bilen birlikde, bagtyýar çagalar hem döwrebap dynç alýarlar. Merkez 300 orundan ybarat bolup, onuň 200-si uly adamlara, 100-si bolsa çagalara niýetlenilendir. «Balkana» dynç almaga gelýän çagalar mähir bilen garşylanylýar we uly alada bilen gurşalyp alynýar. Olaryň ýokary derejede dynç almaklary, saglyklaryny berkitmekleri, sport we bedenterbiýe bilen meşgullanyp, sagdyn durmuş ýörelgelerine eýermekleri üçin ähli şertler üpjün edilen. Dürli çäreler, döredijilik bäsleşikleri, sport ýaryşlary, deňziň üstünden öwüsýän jana şypaly howa, baglaryň, gülleriň anbar ysy, tebigatyň gözelligi olaryň ýadynda hemişelik galýar. Her tapgyrda 100 çagany kabul edýän merkeziň agzybir işgärleriniň bir maksady bar, ol hem ýaş nesilleriň ýokary derejede dynç almaklaryny, wagtlaryny peýdaly, şadyýan geçirmeklerini gazanmak bolup durýar. Bu ýerde çagalar kitap okaýarlar, dürli oýunlary oýnaýarlar, sport ýaryşlaryna gatnaşýarlar, wagtly-wagtyna naharlanyp, kadaly ukularyny alýarlar. Bagtyýar çagalaryň ýüz-gözlerindäki şatlyk alamatlaryny göreniňde, sagaldyş we dynç alyş merkeziniň işgärleriniň tagallalarynyň ýerine düşýändigine göz ýetirýärsiň. https://balkantm.news/tm/news/ary-baly-1 Fri, 24 Jul 2026 11:34:56 +0500 https://balkantm.news/tm/news/ary-baly-1 Özüniň lezzetli tagamy, ýakymly ysy bilen köpleriň uly isleg bilen kabul edýän önümleriniň biri bolan ary baly balarylaryň kömegi bilen tebigatymyzda ösýän dürli görnüşli ösümliklerden tebigy usulda ýygnalýar. Ary baly öz düzüminde adam bedenine ýokumly köp sanly maddalary, witaminleri jemleýär. Bu önüm, esasan hem, beýniniň, bagryň we aşgazanasty mäziň işleýşine oňyn täsir edýär, holesterini peseltmäge ýardam berýär. Gündelik ýeterlik mukdarda ary baly kabul edilende immunitetiň we ýatkeşligiň güýçlenmegine, pikirlenmäniň ösmegine gowy täsir edýär. Lukmanlar uly ýaşly adamlara günüň dowamynda 2-3 çaý çemçesi, çagalara bolsa 1-2 çaý çemçesi mukdarynda ary balyny iýmegi maslahat berýärler. 18 aýdan kiçi bolan çagalara bal bermek maslahat berilmeýär. Pagtanyň, günebakaryň, garpyzyň, tikenli ösümlikleriň gülünden ýygnalan ballar has ýokary hilli bolýar. Önümiň hiliniň ýokary bolmagy balarylaryň bal ýygnaýan ösümlikleriniň ösýän ýeriniň daşky gurşaw şertlerine hem-de balarylary saklaýan adamlaryň tejribesine bagly bolýar. https://balkantm.news/tm/news/suytli-kulce-1 Fri, 24 Jul 2026 11:15:41 +0500 https://balkantm.news/tm/news/suytli-kulce-1 Ata-babalarymyzyň miras goýup giden nakyllarydyr dana sözleri, edim-gylymlary biziň üçin edep mekdebidir. Halkymyzda süýtli külçe bilen bagly hem birnäçe däp-dessurlar bar. Biri uzak ýola sapara gideninde, onuň ýanyna süýde ýugrulan külçe salyp goýberilýär. Onuň tagamynyň artykmaçlygy, birnäçe gün gataman durýandygy, wagtyň geçmegi bilen heňlemeýändigi, gatandan soňam suwa batyranyňda tiz ýumşap, tagamly bolýandygy ýaly aýratynlyklar, megerem, uzak ýola ugraýan ýolagçynyň ýanyna külçe salnyp goýberilmeginiň sebäpleri bolsa gerek. Şeýle-de nanyň ýolagçynyň hemrasy bolup, ony dürli bela-beterlerden goraýandygy, işiniň rowaç bolup, sag-aman yzyna dolanmagyny dileg edip durýandygy barada yrymlar bar. Halk rowaýatlarynda uzak ýola atly gidilen halatynda ýolda dem-dynç alnan wagty ata ýürekse bolar ýaly, ýolagçynyň ýanyndaky külçesinden atyna-da bölüp berýändigi barada aýdylýanlara duşmak bolýar. Bu bolsa külçe bilen bagly däp-dessuryň örän gadymdan gelýändigini aňladýar. Watan gullugyna gidýän ýigitleriň ýanyna süýtli külçe bişirip salmak däbi bar. Onuň bir jübütini bolsa öýüň töründe haltajykda goýýarlar. Şol külçe ýigit gulluk borjuny berjaý edip gelýänçä asylgy durýar. Ýigit Watan gullugyndan sag-aman dolanyp geleninde, kim ilkinji bolup şol külçäni alsa, ýigidiň ene-atasy oňa öňden taýýarlap goýan sowgadyny berýär. Soňra bolsa ýigidiň dogan-garyndaşlary şol külçeden dadyp, ony sag-aman gelendigi bilen gutlap, töwir edýärler. https://balkantm.news/tm/news/sahra-gowenegi-1 Fri, 24 Jul 2026 11:09:51 +0500 https://balkantm.news/tm/news/sahra-gowenegi-1 Ýurdumyzda ýyrtyjy guşlaryň 33 görnüşi duş gelip, şolaryň biri hem laçynşekilliler toparynyň laçynlar maşgalasyna degişli sähra göwenegidir. Ol kepderiden kiçi bolup, horazynyň kellesi, guýrugynyň üsti gögümtil, arkasy açyk-çypar, guýrugynyň aşagy açyk reňkli we ujy kese gara zolaklydyr. Bedeniniň uzynlygy 27 — 33 santimetre, ganaty bolsa 22,3 — 25 santimetre ýetýär. Ýurdumyzda Hazar deňziniň kenarynda, Etrek derýasynyň aşaky akymynda, Köpetdagda, Uly Balkanda, Gaplaňgyrda, Amyderýa jülgelerinde duş gelýär. Göwenek, esasan, mör-möjekler, kähalatlarda ownuk süýrenijiler, gemrijiler bilen iýmitlenýär. Bar bolan maglumatlara görä, bir günüň dowamynda öz göwresiniň agramynyň dörtden biriçe iýmit iýýär. Olar beýleki ýyrtyjy laçyn guşlardan aw etmeýändigi bilen tapawutlanýar. Olaryň tebigatda mör-möjekleriň sanyny kadalaşdyrmakda ähmiýeti örän uludyr. Sähra göwenegi islendik ýerde ýaşamaga çalt uýgunlaşýar. Tebigy şertlerde, adatça, 10 — 16 ýyl ýaşaýar. 24-25 ýyla çenli ýaşap bilýärler diýen maglumat hem bar.   https://balkantm.news/tm/news/dowrebap-tejribelere-dayanylyar Fri, 24 Jul 2026 11:08:22 +0500 https://balkantm.news/tm/news/dowrebap-tejribelere-dayanylyar Ýurdumyzda azyk bolçulygyny berkitmekde ýokary işjeňlik görkezýän hususyýetçileriň öndürýän azyk önümleri sarp edijileriň ýokary islegine eýe bolýar. Hususy eýeçilikde döwrebap tejribelere daýanyp, köpugurly işleri alyp barýan «Nurly meýdan» daýhan hojalygy hem şolaryň biridir. Telekeçilere döredilýän amatly şertler we ýeňillikler bu daýhan hojalygynyň has-da ösmegine ýol açýar. Ýeňillikli karzlaryň berilmegi, täze tehnologiýalaryň ornaşdyrylmagy üçin döredilýän mümkinçilikler we eksport işleriniň goldanylmagy hususy pudakda işleriň öňe ilerlemegine oňyn täsir edýär. Daýhan hojalygynyň ösüşi täze iş orunlarynyň döredilmegine hem mümkinçilik berýär. Daýhan hojalygynda önümçilik kuwwatlyklaryny giňeltmek öňde durýan esasy maksatlaryň biridir. Geljekde täze ekin görnüşleriniň ösdürilip ýetişdirilmegi hem-de gaýtadan işlenilýän önümleriň görnüşleriniň artdyrylmagy, şeýle hem täze eksport ugurlarynyň açylmagy daýhan hojalygynyň ösüşiniň möhüm ugurlarynyň biri bolup durýar. https://balkantm.news/tm/news/usuly-maslahat-tasirli-gecdi Thu, 16 Jul 2026 11:53:50 +0500 https://balkantm.news/tm/news/usuly-maslahat-tasirli-gecdi Welaýatymyzda dowam edýän Medeniýet hepdeliginiň çäklerinde geçirilýän çäreler biri-birine utgaşýar. Welaýat Taryhy we ülkäni öwreniş muzeýinde geçirilen «Muzeýlerde sanly ulgamy ornaşdyrmagyň hem-de muzeý gaznasyny baýlaşdyrmagyň tejribesi» atly muzeý hünärmenleriniň usuly maslahaty hem täsirli boldy. Çärä gatnaşyjylar ýurdumyzda halkymyzyň asyrlar aşyp gelýän milli gymmatlyklaryny aýawly saklamak, dikeltmek, goramak, ylmy taýdan öwrenmek we giňden wagyz etmek hem-de olaryň üstüni ýetirmek babatda uly işleriň alnyp barylýandygy barada giňişleýin gürrüň etdiler, muzeý işini kämilleşdirmek babatda tejribe alyşdylar. Muzeýiň bölümlerine aýlanyp, bu ýerde saklanýan gymmatlyklar, ýurdumyzyň günbatar sebitiniň taryhy we medeni aýratynlyklary bilen ýakyndan tanyşdylar. Welaýat ýörite sungat mekdebiniň dutarçylar toparynyň ýerine ýetiren ajaýyp sazlary çärä aýratyn öwüşgin berdi. https://balkantm.news/tm/news/yurdumyzyn-suratkeslerinin-sergisi Thu, 16 Jul 2026 11:50:39 +0500 https://balkantm.news/tm/news/yurdumyzyn-suratkeslerinin-sergisi Welaýatymyzda geçirilýän Medeniýet hepdeliginiň çäklerinde ýokary guramaçylyga beslenýän çärelerde milli medeniýetimiziň we sungatymyzyň ýeten belent derejesi, dürli ugurlar boýunça gazanylýan üstünlikler beýanyny tapýar. Welaýat Taryhy we ülkäni öwreniş muzeýinde ýurdumyzyň suratkeşleriň «Sungat gözelligi — ylham çeşmesi» atly şekillendiriş we amaly-haşam sungatynyň eserleriniň sergisi şeýle çäreleriň üstüni ýetirdi. Sergä gatnaşanlar dürli reňklere baý suratlary we amaly-haşam sungatynyň eserlerini synlap, ýurdumyzda halypa-şägirtlik ýolunyň mynasyp dowam etdirilýändigini, işlemäge, döretmäge ähli şert- mümkinçilikleriň döredilýändigini buýsanç bilen nygtadylar. Ýurdumyzyň suratkeşleriniň dürli ugurlar boýunça döreden, ata Watanymyzyň gözelliklerini, milli mirasymyzy wasp edýän eserlerini synlamak bu ýere gelenlerde ýakymly duýgulary döretdi. https://balkantm.news/tm/news/taze-gamini-garsylanys-dabarasy Thu, 16 Jul 2026 11:48:48 +0500 https://balkantm.news/tm/news/taze-gamini-garsylanys-dabarasy Ýakynda hormatly Prezidentimiziň Azerbaýjan Respublikasyna amala aşyran döwlet saparynyň dowamynda dostlukly döwlet tarapyndan ýurdumyza sowgat berlen «Dostluk» nebit tankeriniň Türkmenbaşy Halkara deňiz portunda garşylanyş dabarasy boldy. Oňa Türkmenistanyň Deňiz we derýa ulaglary döwlet gullugynyň, welaýat, Türkmenbaşy şäher häkimlikleriniň jogapkär işgärleri, Mejlisiň deputatlary, jemgyýetçilik guramalarynyň wekilleri, il sylagly ýaşulular, mährem eneler, medeniýet we sungat işgärleri hem-de talyp ýaşlar gatnaşdylar. Täze gämi türkmen halkynyň milli däplerine laýyklykda ak un sepilip, üzärlik tütedilip garşy alyndy. Medeniýet we sungat ussatlarynyň, folklor toparlarynyň ýerine ýetirmeginde ýaňlanan aýdym-sazlar dabara gatnaşanlaryň ruhuny has-da belende göterdi. Dabara gatnaşyjylar soňra «Dostluk» nebit tankeriniň iş mümkinçilikleri bilen tanyş boldular. Nebit tankeriniň umumy uzynlygy 141 metr bolup, onuň ini 16,9 metr, ýük göterijiligi bolsa 8 müň tonna barabardyr.   https://balkantm.news/tm/news/ylham-josguny Thu, 16 Jul 2026 11:46:39 +0500 https://balkantm.news/tm/news/ylham-josguny Welaýat kitaphanasynda geçirilen «Garaşsyzlykdan galkynýan medeniýet» atly döredijilik bäsleşiginiň jemini jemlemek dabarasy, şeýle hem ýurdumyzyň halypa we ýaş şahyrlarynyň «Ylham joşguny» atly edebiýat agşamy üstünlikli dowam edýän Medeniýet hepdeliginiň täsirliligini has-da artdyrdy. Oňa gatnaşanlar her ýylda geçirilýän şeýle bäsleşikleriň täze zehinleri ýüze çykarmaga, milli medeniýetimizi, sungatymyzy, edebiýatymyzy ösdürmäge uly ýardam edýändigini buýsanç bilen bellediler. «Ylham joşguny» atly edebiýat agşamyndaky täsirli çykyşlardyr okalan goşgular ýetip gelýän mukaddes Garaşsyzlygymyzyň 35 ýyllyk şanly toýunyň, ajaýyp zamanamyzyň, abadan Diýarymyzyň, bedew batly ösüşlerimiziň waspynyň dabaralanmasy boldy. Edebi-sazly çeper okaýyşlaryň, aýdyşyk goşgularyň ýerine ýetirilmegi, şygyr sungaty hakynda pikir alşylmagy dabaranyň ähmiýetini artdyrdy.